طبخه عروق موصليه

طبخه عراقيه  شهيه من اصول موصليه ,,, وباللهجه العراقيه ,,, فاليكم المزيد لنتعرف ع طريقه تحضيرها ,,

طبخه عروق موصليه 

مكونات طبخه عروق موصليه 
كيلو جريش
نص كيلو برغل ناعم
نص كيلو طحين
كيلو لحم هبر
شوي ليه
نص كيلو شحم
شده كرافس
نص كيلو طماطه
نص كيلو بصل
فلفل اخضر حلو 2
طريقه عمل عروق موصليه 
اول خطوه تخلطين البرغل والجريش وتنكعيهم بصفحه تتركيهم
ثاني شي تعجنين العجين وتتركي يختمر
ثالث شي تثرمين البصل ناعم كلش وتحطيلا ملح وتتركي
تثرمين اللحم بيدج ويه الليه ثرم ايد مو مكينه
وتثرمين نص الكرفس فوكاه .وتثرمين الطماطه وتحطيها فوكاه تثرمين الفلفل فوكاه تاخذين البصل تعصرين الماي مالتا بلمصفي وتحطين الماي فوك البرغل والبصل تحطي فوك اللحم ..
هسه الحشوه صارت لحم وليه الليه ثرميها ناعم حيل او بلمكينه الليه بس مو اللحم
الحشوه كلنا صارت لحم وكرفس وطماطه وبصل وفلفل تخلطيها وتحطين ملح وفلفل اسود
ثاني شي نجي علبرغل والجريش نثرم الشحم ونخلطا بيهم
ونثرم بقية الكرفس ونجيب العجين يكون اتخمر ونعجنهم سوا ويه ملح وفلفل اسود تقطعي دوائر صغار .
تجيبن لايلون وتفتحي على شكل دوائر وتاخذي ماعون او غطا جدريه وتسوي قياس تقصي على قياسا دائره وثاني طبقه تحطين الحشوه وتسوين اخر طبقه ترفعيها بللايلون وتلزقيها علحشوه تدوسين الاطراف زين وترفعيها بهدوء وتحطيها بصينه الفرن يعني ترفعين اللايلون نفسا وتقلبيها بلصينيه
واخر شي معجون طماطه وشوية زيت قليل يعني خاشوكتين زيت تخلطيهم وتدهنين الوجه وتدخلي الفرن الحشوه نيه الفرن مو عالي لازم حتى تستوي الحشوه,,, وهكذا انتهت هذه الوصفه الشهيه جربوها ان اعجبتكم ,,, وتابعو جديد وصفاتنا مع طبخات سهله http://tabkhzake.blogspot.com/

بقلم طبخات سهله

الحياة لاتعطينا كل مانحب ولكن القناعة تعطينا كل الحياة

:

شارك الموضوع مع اصدقائك؟

اذا كان لديكم اي استفسار احبتنا في الله بامكانكم وضعه في تعليق!