.jpeg)
وصفة الملوخية الفلسطينية اكلات فلسطينية اكلات معروفه،، طبخات زاكيه،،
*الملوخية الفلسطينية على أصولها*
 |
| طبخات، اكلات |
الملوخية عنا بفلسطين غير، خصوصاً بالعزايم الكبيرة. بتنحط جنب رز بالشعيرية ومعها دجاج محمر أو لحمة. غير طعمها الزاكي، هي مفيدة كثير وفيها فيتامينات ومعادن وبروتين.،،،
مقادير ملوخيه*
- جاجة كاملة مقطعة أو كيلو دجاج
- كيلو رز
- كيلو ملوخية ورق أو مفرزة
- ربع كاسة شعيرية
- معلقة صغيرة ملح أو حسب الذوق
- نص معلقة صغيرة كركم
- 4 معالق كبار زيت قلي
- سنين ثوم مهروسات
- حبة بندورة مفرومة ناعم
*الطريقة خطوة بخطوة:*
1. *الرز أول شي:* انقعي الرز بمي دافية شي ساعة. هيك بستوي أسرع وبطلع مفلفل.
2. *اسلقي الجاج:* اغسلي الجاج منيح بليمون وزيت زيتون عشان الزفرة تروح. حطيه بطنجرة كبيرة وغمرية مي، وخليه على النار نص ساعة لحد ما يستوي. بعدين شيلي الجاج على جنب، بس *لا تكبي المرقة*، بدنا إياها.
3. *الملوخية:* بنفس مرقة الجاج حطي الملوخية، وفوقيها البندورة المفرومة والثوم المهروس. حركيها تحريكة وحدة بس، واتركيها تغلي على نار هادية 10 دقايق. *مهم:* لا تضلي تحركي فيها عشان ما تمغط.
4. *الرز بالشعيرية:* بطنجرة ثانية سخني الزيت وحمري الشعيرية لحد ما يصير لونها أشقر. صفي الرز من المي وحطيه فوق الشعيرية. حطي الملح والكركم وقلبيهم، بعدين صبي مي سخنة تغطي الرز بعقدة إصبع. خليه يغلي غلوة، بعدين وطي النار وغطي الطنجرة لحد ما يستوي.
5. *حمري الجاج:* الجاج اللي سلقناه، تبليه بالبهارات اللي بتحبيها وصفيه بصينية. دخليه على فرن حامي 10 دقايق بس ياخذ لون وتحمر.
6. *التقديم:* اسكبي الرز بصحن كبير، والملوخية بزبدية لحالها، وصفي قطع الجاج المحمر على وجه الرز أو بصحن لحاله.
وصحتين وعافية، وهيك بتكوني عملتي ملوخية بتشرف وتابعينا لكل جديد مع طبخ زاكي 👏
شارك الموضوع مع اصدقائك؟
اذا كان لديكم اي استفسار احبتنا في الله بامكانكم وضعه في تعليق!
ليست هناك تعليقات:
إرسال تعليق