حلا سهل وبارد،، اليك الخطوات
 |
| حلا صيفي بارد |
*كاسترد الموز والبسكوت بجلي الفراولة... على طريقتي*
أول شي قبل ما أبلش بأي إشي، بعمل جلي الفراولة تبع الباكيت زي ما مكتوب عليه وبتركه على جنب يبرد شوي، عشان ما أتعطل فيه بالآخر.
بعدها بمسك الطنجرة وبحط فيها لتر الحليب مع ثلاثة أرباع كاسة سكر و8 معالق كاسترد كبار. بخلطهم عالبارد بالخفاقة عالسريع عشان ما يكتل، وبعدين بولع النار. بضل أحرك فيه لحد ما يمسك ويصير ثقيل، وبحط نص معلقة صغيرة فانيلا وبطفي. بتركه يهدى دقيقتين.
بهالوقت بكون قطعت الموز شرايح، وجهزت كاسة حليب عشان أغمس البسكوت. بجيب باكيت ونص بسكوت سادة... بغمس البسكوته غمسة سريعة بالحليب وبصفها بالصينية.
هسه ببلش أركب الطبقات: طبقة بسكوت مغمس، فوقها طبقة من الكاسترد اللي سويناه، وبرص شرايح الموز. وبعيدها مرة ثانية: بسكوت، كاسترد، موز.
آخر شي بصُب الجلي اللي كان يبرد فوق كل الطبقات وبدخلها الثلاجة. نص ساعة وبتلاقيها جمدت وصارت جاهزة.
بتطلع سفرة وبتكفي كل اللي قاعدين، وصدقيني ما بضل منها إشي وتابعنا لكل جديد مع طبخ زاكي 😉
الحياة لاتعطينا كل مانحب ولكن القناعة تعطينا كل الحياة
:
اذا كان لديكم اي استفسار احبتنا في الله بامكانكم وضعه في تعليق!
.jpeg)
ليست هناك تعليقات:
إرسال تعليق